Filling Love

الشاعره معزه أحمد النعيم
شاحده الله دوام
يملأك انت جراح
لا تلقي راحةالبال
لاتعيش سعيدمرتاح
ياالزدت لي الهم
ومليت حياتي نواح
لا تدوق سعادة في يوم
لاتعيش هناءوأفراح
ياالشلت طعم النوم
فرحک يکون أتراح
ماتساعدک الأيام
وماتلقي تاني صباح
‏

Khalid Mahamoud
تسلمي انتي ياامي
وياشمس الصباح والضي
تطيب خاطرك الايام
واشيلک جوه في عيني
حنينه بشوشه يايمه
تخلي الدنياعالم حي
ولو جارالزمن مره
بيک ياوادي ببسم لي
تنوري لسنين قاسيات
وتدي الفرحه للمحروم
تبشري بخريفناالجاي
وتبسمي مهمافيکي مهموم
وصدرک مابصد تايه
ولا سماک بيخفي نجوم
ديارک يمه فاتحه دوم
تضم اللاجئ والمظلوم
اذا گان الفرح بالايد
واذا گان السعدبيدوم
يكون ليکي الفرح كله
وليک كل السعدمقسوم
‏

فيك الريده مابتنفع
ولاللغرام بتصون
قدرمااهديک مني حنان
تقسي وليهو تمشي تخون
وقلبي الحلم بلقاک
اصبح من جفاک محزون
وداعآ ياوهم وضياع
عديله خطاك وين ماتکون
وبعدک مابشيل الهم
ولابتبقي حياتي هم وشجون
ولابعاتب الأيام علي فراقك
ولا بزعل علي زولآبميه لون
ولاني بعشم بيک تاني
ولاقلبي بحبك بگون مفتون
‏